حل الفنان محمد رمضان ضيف على برنامج الحكاية، الذي يقدمه الإعلامي عمرو أديب على قناة mbc مصر، وكشف من خلاله تفاصيل وتصريحات لأول مرة، من بينها فكرة انشغاله بـ فيلم أسد وسبب دخوله هذا العمل ولماذا ابتعد عن الدراما ٣ سنوات.
محمد رمضان: زميل ليا قالي اسمك أكبر من أفلامك
استهل محمد رمضان حديثه عن فيلم أسد، قائلا في تصريحات رصدها موقع تحيا مصر: محظوظ بـ فيلم أسد وإننا أول من تكلم عن العنصرية في تاريخ مصر وكنا مركزين على عقلية المشاهد اللي تحت متوسط لأنه يهمني جدا يستمتع بيه.
وعن سبب توجهه إلى السينما، قال رمضان: صديق ليا قالي حاسس إن اسمك أكبر من أفلامك وده اللي خلاني أقف وأقول هركز على السينما واختارت أسد عشان يكون بداية وأقول فيلمي بالصناع الكبار دول.
محمد رمضان: غيابي عن الدراما بإيراداتي
ونفي محمد رمضان كل ما يثار حول غيابه عن الدراما، موضحا: "في ناس بتقول اني ممنوع إني أقدم دراما أو مستبعد، ولكن كل الكلام ده غلط أنا غيبت بإيرادتي عشان اعمل فيلم أسد".
وعن جدل الأعلى أجرا أكد أنه يحسبها من السن وليس المال، وأنه وقتما قال إنه الأعلى أجرا كان من خلال مسلسل الأسطورة، فبعده كان أجره 45 مليون جنيه، وهذا الأمر منذ 2017، لذا كان الأعلى أجرا وقتها.
محمد رمضان يتحدث عن تغيير لونه
وتابع محمد رمضان: كنت مركز أكون نجم مصري كبير وحققته بعد الأسطورة.. والجمهور بيحب النجم اللي يحس أنه منه، ورفضت نفس شخصية الأسطورة عشان حسيت إن في شريحة مبتشوفنيش ومش قابلة ده حتى لو قليلة.
وأكد محمد رمضان: لما عادل إمام قال أنا أعلي أجر محدش كان يقدر يتكلم وقتها لأنه كان في سن صغير وعمل الفلوس دي كلها.. ومش بغير من حد في الوقت الحالي.. احنا كلنا فريق واحد وأكيد فيه نمبر وان غيري.
وتساءل عمرو أديب: “أكيد انت دافع فلوس عشان تطلع مع النجوم الكبار دول أو فيه واسطة.. انت جيت منين يابني؟”، ليرد رمضان: أكيد ناس هتفكر كدة بس طبعا ده محصلش إني أدفع فلوس لمغني عشان يشتغل معايا ده شيء مرفوض تماما.. أنا محدش شاف أنا حصلي إيه في إفريقيا
يذكر أن محمد رمضان في الفترة الحالية يستمتع بنجاح فيلم أسد، حيث يعرض حاليا في السينمات المصرية ومن المقرر عرضه عربيا خلال أيام، ويناقش قضية العبيد الزنوج.
0 تعليق