حرص الفنان حمادة هلال على توجيه رسالة دعم لـ الفنان أحمد السقا بعد الأزمة الأخيرة التي تعرض لها، والسخرية الشديدة من قبل رواد مواقع التواصل الاجتماعي المختلفة على فيديو دعمه لـ لاعب كرة القدم محمد صلاح، في أزمته مع إدارة نادي ليفربول.

حمادة هلال يدعم أحمد السقا 

ونشر حمادة هلال صورة له رفقة أحمد السقا على حسابه الرسمي بموقع تبادل الصور والفيديوهات انستجرام، وعلق عليها وفقا لما رصده موقع تحيا مصر: "النجم الكبير اوى اوى الله يحفظك يا اخويا يا ابو الرجوله والجدعنه وحبيب الكل الله يحفظك يا احمد ويبارك فى ست الكل واولادك الله يحفظهم".

يذكر أن الفنان أحمد السقا قد تصدر محركات الاكثر بحثا على موقع جوجل الشهير، وذلك بعد فيديو دعمه لـ محمد صلاح وتوجيه رسالة حادة لإدارة نادي ليفربول، الأمر الذي جعل الجمهور يسخر منه بشكل كبير، مشيرين إلى أنه يريد ركوب التريند، ولكن المفاجأة كانت نزول محمد صلاح الملعب بعد هذا الفيديو مباشرة.

أحمد السقا يرد على الإساءة له 

وخرج أحمد السقا في مداخلة مع عمرو اديب في برنامج الحكاية، قائلا: "يا جماعة، يا كتير يا اللي بهدلتوني النهارده، انتوا اللي عملتوني، فلو مش عاوزني، كل واحد يجيب العدة بتاعته وييجي يفك الصواميل ويرميني في الزبالة".

وتابع السقا حديثه: أنا بني آدم زيك، ومتأثر باللي حصل، مستحيل أقولك إنه مش فارق معايا! صعبان عليا نفسي، لأن هؤلاء هم نفس الناس اللي كانت بتمدحني لما كنت أعمل فيلم أو مسلسل، وأوضح أنه رغم كل اللي عدى، بيختار يسامح، قائلًا: «الله يسامحهم، وأنا مسامح».

محمد أنور يدعم أحمد السقا 

وخرج بعدها محمد أنور ليدعم أحمد السقا، قائلا: احمد السقا فعلا ميجا ستار، فيه ناس بتقولها علي نفسها معملوش ربع تاريخه ولا اعمالهم هتعيش وهتعلم زي اعماله كل افلامه علامات في تاريخ السينما المصرية، أحمد السقا اصبح ايقونه في الاكشن والناس في الشارع لما بتلاقي واحد قلبه جامد بتقوله ( انت فاكر نفسك احمد السقا ولا ايه ).